Blog Archives

Force Film Review (3.5/5)


સ્ટોરી: યશવર્ધન (જહોન અબ્રાહમ) નારકોટિક્સ કંટ્રોલ બ્યૂરોનો ઈમાનદાર અને બહાદૂર એસીપી છે.દેશમાંથી ડ્રગનું દૂષણ દૂર કરવું તે યશનું એકમાત્ર લક્ષ્ય છે. માયા (જેનેલિયા ડિસોઝા) એનજીઓમાં બાળકોને ડાન્સ શીખવાડે છે. અતુલ(મોહનશિ બહેલ) યશનો સહકર્મચારી અને સારો મિત્ર છે. દેશમાં અન્ય ડ્રગ માફિયાઓની સ્પર્ધા ખતમ કરવા માટે ડ્રગ્ય ડિલર વિષ્ણુ (વિધ્યુત જામવાલ) પોતાના મોટા ભાઈ રેડ્ડી (મુકેશ રિશી)ની સાથે મળીને યશ અને તેના સાથીદારો દ્વારા ૪ મોટી ગેન્ગનો ખાતમો કરાવી દે છે. માયાને મનોમન પ્રેમ કરતો યશ તેને પોતાના જીવનમાં લાવીને કમજોર નથી પડવા માંગતો પણ માયાનાં પ્રેમની આગળ તે ઝૂકી જાય છે. વિષ્ણુ ભારતમાં પોતાનો ડ્રગ્સનો બિઝનેસ ફરીથી શરૂ કરે છે. આ દરમિયાન યશ અને તેના સાથીદારો રેડ્ડીને મોતને ઘાટ ઉતારી દે છે. વિષ્ણુ કેવી રીતે પોતાના ભાઈની મોતનો બદલો લે તે જોવા માટે ફિલ્મ ચોક્કસ જોવી રહી.

 

સ્ટોરી ટ્રિટમેન્ટ: ફિલ્મની વાર્તામાં નવીનતા નથી પણ સ્ટોરી ટ્રિટમેન્ટ ફિલ્મને રસપ્રદ બનાવે છે. ફિલ્મમાં ડ્રામાને કોઈ સ્થાન નથી. વાસ્તવિકતા સાથે મેળ ખાતી વાર્તાને અમુક વળાંકો દ્વારા મનોરંજક બનાવાઈ છે. ફિલ્મનાં પહેલા ભાગમાં જહોન-જેનેલિયાની પ્રેમકહાણીને વધારે મહત્વ અપાયું છે. ફિલ્મનાં બીજા ભાગમાં એક્શન ટિ્વસ્ટ દર્શકોને વિચારવાની તક નથી આપતા. ફિલ્મમાં સંગીતને ઓછું સ્થાન અપાયું છે પણ અમુક દ્રશ્યોમાં બેકગ્રાઉન્ડ સંગીત સારું છે. ‘દબંગ’, ‘વોન્ટેડ’, ‘સિંઘમ’, ‘બોડીગાર્ડ’ની યાદ અપાવતી ‘ફોર્સ’નાં સ્ટંટ વધુ વાસ્તવિક છે.

 

ડાયરેક્શન: ડાયરેકટર નિશિકાન્ત કામતે એક એકશન ફિલ્મ સાથે પૂરતો ન્યાય કર્યો છે. ઓછો ડ્રામા, પૂરતો રોમાન્સ અને સંતોષકારક એક્શન દ્રશ્યોને કારણે ફિલ્મ એક પણ સેકન્ડ માટે પણ કંટાળાજનક નથી લાગતી. ફિલ્મનાં દરેક પાત્ર પાસેથી યોગ્ય અભિનય કઢાવીને નિશિકાન્તે ફિલ્મને માત્ર જહોનની ફિલ્મ નથી બનાવા દીધી. જહોનની માચો ઈમેજને હાઈલાઈટ કરવા માટે કોઈ હોહા નથી કરવામાં આવી જેથી ફિલ્મ વાસ્તવિકતા સાથે જકડાયેલી રહે છે. જહોનની પ્રેમિકાના પાત્રમાં જેનેલિયાને ફિલ્મમાં પૂરતુ મહત્વ આપવામાં આવ્યુ છે. ખલનાયક અને નાયકની જીત વચ્ચેની જંગ અંત સુધી ચાલે છે.

 

સ્ટાર કાસ્ટ: એક એકશન હિરો તરીકે જહોન અબ્રાહમની પસંદગી એકદમ યોગ્ય છે. તેણે પોતાના બોડી માટે કરેલી મહેનત રંગ લાવે છે. માત્ર દર્શકોને માચો મેનની ઈમેજની યાદ અપાવવા માટે ફિલ્મમાં વારેવારે કોઈ ફાડુ સ્ટંટ ન કરતા જહોને અભિનય પણ સારો કર્યો છે. જેનેલિયાએ હંમેશાની જેમ પોતાની બબલિ ઈમેજમાં સારું પરફોર્મન્સ આપ્યું છે. પડદાં પર પહેલી વાર સાથે દેખાયેલા જહોન-જેનેલિયા વચ્ચેની કેમિસ્ટ્રિ ફ્રેશ છે. તેમની વચ્ચેના ઈન્ટિમેટ દ્રશ્યો સ્ક્રિપ્ટમાં યોગ્ય રીતે સાંકળવામાં આવ્યા છે. વિલનની ભૂમિકામાં વિધ્યુત જામવાલ જહોનને ખરી ટક્કર આપે છે. તેણે પોતાના પાત્ર સાથે ન્યાય કર્યો છે. રાજ બબ્બરનો રોલ માત્ર મહેમાન કલાકાર પૂરતો જ છે. ઘણા સમય પછી ફિલ્મોમાં દેખાયેલી સંધ્યાએ પણ સારો અભિનય આપ્યો છે. મોહનિશ બહેલે પોતાના પાત્ર સાથે પૂરતો ન્યાય આપ્યો છે.

 

સંગીત/સિનેમેટોગ્રાફી/સંવાદો/એડિટિંગ: રોમેન્ટિક ગીત “ચાહૂં ભી તો કૈસે…” સારું છે. અન્ય ગીતો એટલા મનોરંજક કે ચાર્ટ લિસ્ટમાં શામેલ થાય તેવા નથી. અલબત્ત, સચોટ સ્ક્રિનપ્લેને કારણે સંગીત ખૂટતું હોય તેવું નથી લાગતું પણ દર્શકોને વધુની અપેક્ષા રહેશે. સ્ટંટ સીન્સને વાસ્તવિક દેખાડવા માટે કેમેરાવર્ક સાથે કોઈ અખતરા નથી કરવામાં આવ્યાં. જહોનનાં ભાગે એક ડાયલોગને બાદ કરતા કોઈ ધાંસૂ ડાયલોગ્સ નથી આવ્યા. અલબત્ત, ફિલ્મનાં બધા પાત્રોનાં ભાગે પૂરતા, રમૂજી અને અસરકારક ડાયલોગ્સ આવ્યા છે. લગભગ અઢી કલાકમાં પૂરી થઈ જતી આ ફિલ્મનું એડિટિંગ સારુ છે.

 

૩ અપ્સ એન્ડ ૩ ડાઉન્સ: જ્હોનને એક એક્શન હિરો તરીકે જોવો ચૂકવો ન જોઈએ. એક્શન, જ્હોનની બોડીનાં ચાહકો અને ફરીથી એક્શન ફિલ્મનાં સબળા પાસા છે. સંગીત રસિકોને આ ફિલ્મ નિરાશ કરી શકે.

Saheb Biwi Aur Gangster Film Review(3.0/5)


Sahib biwi aur gangsterવાર્તા- સાહેબ બીવી ઔર ગેંગસ્ટરની વાર્તા નામ પ્રમાણે જ નવાબ સાહેબ(જિમી શેરગિલ) અને તેની બેગમ બીવી (માહી ગિલ) અને ગેંગસ્ટર (રણદિપ હૂડ્ડા)ની આસપાસ ફરે છે. નવાબ અને તેની બીવી શાહિ પરિવારનું નકલી જીવન પસાર કરી રહ્યો છે. શાહિ પરિવાર પાસે એવું કંઈ જ જેના પર તેઓ ગર્વ કરી શકે છે. શાહિ પરિવાર દેવામાં ડૂબેલો છે અને પોતાના શોખ પૂરા કરવા સિવાય કંઈ કરવા સમર્થ નથી.. નવાબ એક રખાતના ચક્કરમાં ફસાઈ જાય છે, જેથી બેગમ હિસ્ટેરિયાની દર્દી બની જાય છે. હવે વાર્તામાં એક નવો જ વળાંક આવે છે. બેગમના જીવનમાં ગેંગસ્ટર આવે છે અને બેગમના જીવનમાં આશાનું કિરણ છવાઈ જાય છે.

આ ગેંગસ્ટર પોતાની ઓળખ છુપાવીને શાહી પરિવારમાં ડ્રાઈવરની નોકરી કરે છે. નિરાશ બેગમ ગેંગસ્ટરના સાથમાં શાંતિ મેળવે છે પરંતુ ગેંગસ્ટર વાસ્તવમાં બેગમને પ્રેમ કરવા લાગે છે. તો બીજી બાજુ નવાબ સાહેબને પોતાના જીવનમાં લાવવા અને રખાતથી છુટકારો મેળવવા બેગમ એક ખતરનાક પ્લાન બનાવે છે. આ માટે તે ગેંગસ્ટરની મદદ લે છે. આ મદદને બદલે તે ગેંગસ્ટર સાથે સંબંધ બનાવી રાખવાનું ખોટું વચન આપે છે. હવે ફિલ્મમાં એ જાણવું રસપ્રદ રહેશે કે નવાબ પોતાની બેગમના ગેંગસ્ટર સાથેના સંબંધો જાણી શકશે, કે પછી ગેંગસ્ટર રખાતને મારી નાખશે, આ જાણવા માટે તો તમારે આ ફિલ્મ એક વાર તો જોવી જ પડશે.

સ્ટોરી ટ્રીટમેન્ટ – એક મહિલાના પ્રેમની, કામવાસના અને વિશ્વાસઘાતની વાત કરે છે ફિલ્મ સાહેબ બીવી ઔર ગુલામ. આ આ ફિલ્મમાં એ તમામ વાતો છે કે જેનાથી લોકો ઈમ્પ્રેસ થઈ જાય. કેરેક્ટરલાઈઝેશન બ્રિલિયન્ટ રીતે કરવામાં આવ્યું છે. કટાક્ષથી ભરપૂર સંવાદો,ઉત્તેજીત કરી નાંખવા અંતરગ દ્રશ્યો અને ફિલ્મના આંચકારૂપ વળાંકો દર્શકોને પોતાની સીટ પર ઝકડી રાખે છે. દર્શકો એકશ્વાસે આ ફિલ્મને માણે છે. ફિલ્મનું નેરેશન એક ક્ષણ માટે પણ નબળું પડતું નથી. ફિલ્મની છેલ્લી ચાલીસ મિનિટ તો પ્રેક્ષકોને બરાબરને પકડી રાખે છે.

સ્ટાર કાસ્ટ – જીમ્મી શેરગીલે રોયલ નવાબનું પાત્ર કાબિલે દાદ ભજવ્યું છે. જીમ્મીએ પોતાના સંવાદો બ્રિલીયન્ટલી રીતે બોલ્યા છે. માહિ ગીલે ઘણી જ હળવાશથી એક પાગલ સ્ત્રીમાંથી ચાલક મહિલાની ભૂમિકા ભજવી છે. જીમી શેરગીલ અને રણદિપના પાત્રોની પ્રશંસા કરે છે. રણદિપે ખરેખર પ્રશંસનીય પર્ફોમન્સ આપે છે, જેને કારણે તેની અભિનય કૌશલ્યતા ખીલી ઉઠી છે. દિપલ શો અને વીપિન શર્માએ પોતાનો નેચરલ અભિનય આપ્યો છે.

ડિરેક્શન – તિગ્માંશુને પોતાની ફિલ્મ સાહેબ બીવી ઔર ગેંગસ્ટર ટાઈટલથી જે કહેવું છે તે તમામ વાતો આ ફિલ્મમાં જોવા મળે છે. તિગ્માંશુએ પોતાના દિગ્દર્શનથી ફિલ્મના દરેક પ્લોટને રસપ્રદ અને ચતુરાઈપૂર્વક દર્શકો સમક્ષ રજૂ કર્યા છે. ગેંગસ્ટર પોતાનો અસલી ચહેરો રજૂ કરે છે તે સીન હોય કે પછી રખાતની હત્યા અથવા તો ક્લાઈમેક્સમાં બેગમ પોતાનો અસલી રંગ બતાવે છે, આ તમામ દ્રશ્યો ઘણાં જ કલાત્મક રીતે રજૂ કરવામાં આવ્યા છે. વધુમાં સ્ક્રિનપ્લે ઘણો જ ક્રિસ્પ્રી હોવાથી ફિલ્મ વધુ રસપ્ર બને છે.
Sahib
3 હકારાત્મક અને નકારાત્મ બાબતો – ફિલ્મના બીજા ભાગને થોડો ખેંચી નાખવામાં આવ્યો છે જો આ બાબતને અવગણવામાં આવે તો પાવરફૂલ સ્ટોરી લાઈન, ક્રિસ્ટ સ્ક્રીન પ્લે, કટાક્ષમય સંવાદો અને કમાલના પર્ફોમન્સને કારણે આ ફિલ્મ એક વાર તો જોવી જ જોઈએ.

નિર્માતા અને દિગ્દર્શક તરીકે તિગ્માંશુ ધૂલિયા માટે આ ફિલ્મ એક માઈલસ્ટોન સાબિત થઈ છે. ફિલ્મ રસિકો આ ફિલ્મથી બિલકુલ નિરાશ થશે નહીં.

%d bloggers like this: